Monsieur, il me desplest grandement du desastre quest avenu

au cappitaine La Balme quil aye esté si treytreusement desceu

par son enseigne nommé le Cadet, lequel menoit la trahyson

du chasteau. Et quant à La Balme, je ose assurer sur mon

honneur quil en estoit aussy ignorant que moy mesmes et

hose prandre sur mon honneur et sur ma voye il est de bonne

part et de la plus honneste race de toutte la baronnye et desquelz

les gallères de Marcelle se souviennent de son oncle nommé le

patron Pellan je luy auserois fier jusques à mon honneur,

et vous supplie croyre quil nen feit jamais consentent,

et croy que monsieur de La Chevilliée vous en peult assurer,

autant par linquisicion quil en a fait faire par Cure-

bource, le quel je massure lestime fidelle ; bien

vous suppliereyge très humblement quil me sanble que lon vous

a par trop importuné, vous volant persuader sinistrement

contre luy et informer par tesmoings comme lon dit

communement des tesmoings de La Mure quil souffres

sans estre requis quoy quil disoit. Je suys très ayse

de son innocensse et quil desire vous aller fère la reverance

et se purger comme innossent de se fait. Il na point

fait difficulté rendre le chasteau comme il vous pleu

le comander et le trouverés tous jours afectioné vous

obéyr anse quil vous plerra luy commander. Je me

terrey pour le presant à vous dire, monsieur, quil me

samble je debvoys estre respecté daultant quavés

grande persuasion des honnestes remonstrances de

monsieur le presidant premier, monsieur Trhuchon [sic] que je

me suis voulu employer pour vous monstrer le desir

que jey heu dès le temps quavés prins à mariage feu

madame de Gordes pour la proximité de nostre paranté

et de mes enfans. Jey esté tousjours en afection vous

estre inthime amy et afectioné à vous fère service.

[144 v°] Je ne suis pour estre et de race de rantiers et chastelens

ains le lieutenant de roy en Ytallie contre le duc

de Savoye qui occupoit les terres des marquis de Saluce

où mon grand père gagnat la bataille contre le duc de Savoye

estant chef de sete armée ; nos tiltres ne sont pas

estés par arrentemens ny par trafficages, ains par armes

et de toutte ancienneté de race de grands seigneurs.

Si je parle un peu en collère, je vous supplierey très humble-

ment me pardonner ; et de rechief vous supplie

croyre de mon intégrité, de la bonne volonté que jey

à vous aymer, honorer et perpetuel service daussi bon

queur que je vous bèse les mains très humblement,

priant le Createur,

monsieur, vous conserver heureusement en très bonne

santé et longue vie. De votre mayson , à Grenoble,

se huitiesme febvrier.

Votre très humble et affectionné

alié et serviteur

sassenage

[brouillon de réponse de M. de Gordes]

[144] Monsieur, je

receu votre

lettre et suis

aussi marry

que vous de

ce qui est

survenu au

Balme, de

quoy il se po

voyt bien garder sil

eut volu avoyr

bonne inteligen

ce aveques

le cappitaine

Lours qui

estoyt son

enseigne et

il a bien co-

gneu que « tel

change qui

ne gaigne

pas ». Je seray

très eyse sil

se trove inno

cent et ne

scay pour

quoy vous me

mandés que

il vous sem

ble que devriés

estre respetter,

veu que à la persua

sion de monsieur le president

Truchon et depuis

que je eus espousé

feu madame

de Gordes, vous

avés tousiours

esté affectionné

à mestre inthi

me amy, car

en ce qui cest

presenté, je ne

peusse mestre

oblié en aucu

ne chose de respect en

votre endroyt ;

et quant à ce

que par votre lettre

dites votre race

nestre extraicte de rentiers ni de chasteleins, je ne vous y puis respondre, ne

sachant loccasion de tel discours. Mays quant vous men escrirés plus,

ouvertement, je vous y respondrey plus cleyrement. Bien advouerey je

tousiours ce que dites de la grandeur de votre meyson et de la valeur de ceulx

qui en sont sortis, et vous prie nestres en oppinion quon laye autre =

[144 v°] = et mesmes moy qui vous ay tousiours aymé, estimé et

honnoré et ce qui vous appartient, et le recognoistrés ainssi

quant les occasions se presenteront et que jen auray le moyen.

- TOME : XXII

- F : 144::

- EXPEDITEUR : Berenger, Laurent, baron de Sassenage

- DESTINATAIRE : M. de Gordes

- DATE :

TYPE : reponse

CAT : reelle

- DATE : 1574-02-08

TYPE : expedition

CAT : reelle

- DATE : 1574-02-08

TYPE : expedition

CAT : affiche

- DATE : 1574-02-10

TYPE : reception

CAT : reelle

- LIEU : Grenoble

TYPE : expedition

GPS : 45° 19' 91'' N ; 5° 73' 62'' E

- LIEU : Valence

TYPE : reception

GPS : 44° 93’ 33’’ N ; 4° 89’ 21’’ E

- HYPERLIEN :

- BIBLIOGRAPHIE :

- NOTE :